【女Fans集体流口水】男神浸浴派福利 朴叙俊影杂志玩湿身透视

朴叙俊最近未有新作公开，时不时影吓杂志相咁，其所属公司Awesome娱乐就上载最新相片，佢竟然玩湿身派福利，真系搞唔掂。朴叙俊成个人浸喺浴缸，件恤衫又薄过纸，其实同睇晒上半身冇分别，好想叫佢着返好件衫，又想叫朴叙俊索性除埋佢，男神真系太清楚Fans想要咩。

官方Caption都表示浸浴系列系「今日重点」，更叫大家深呼吸之后先好睇，好好笑。朴叙俊日前更击败亚军孔刘、季军玄彬、并列第四金秀贤及姜河那，成为韩媒调查中14间大型制作公司最想合作的男明星。