零妆自拍话好挂住屋企 32岁文咏珊突变22岁

由去年爆发疫情开始，文咏珊(Janice Man)就开始长居上海，本年初曾短暂回港，虽然前年10月与Carl结婚，嫁入豪门升呢做过亿阔太，但JM仍然好努力工作。最难得老婆因工作关系要长驻内地，但Carl都一样陪伴在侧，好幸福。

JＭ嘅IG通常都系放工作嘢，一系剧照一系广告相一系杂志相，寻日难得Po自拍照，连当事人都话系久违的自拍，佢话:「想家了」，如无意外，呢个家应该系香港屋企。留意重点，戴住渔夫帽嘅JM着住粉紫色嘅Tee，再配合遮眼同遮嘴表情，哗，冇化妆嘅JM点睇都唔似32岁，话佢22岁都有人信。