【独家】两公婆都系「镜粉」 骆胤鸣单飞重返乐坛为接近AL
2021-08-11 23:23 
组合SiS乐印姊妹成员骆胤鸣月前「升呢」人妻，婚礼中送上亲自作曲、填词嘅新作《有效承诺》畀老公，而呢首歌亦成为骆胤鸣单飞重出江湖之作。作为人气男团MIRROR成员AL嘅「神徒」，她自爆畀老公Kelvin闹爆她肤浅，老公曾问过她，重返乐坛为乜？她秒答：「至少换到MIRROR演唱会飞呀！」采访：方骞平 摄影：梁志明
𠵱家娱乐圈最Hit系MIRROR及ERROR，30岁「人妻」骆胤鸣决心单飞，原来有两个原因。除咗老公出钱支持她唱歌外，骆胤鸣好想以歌星身份接触到Anson Lo（卢瀚霆）。她笑说：「就算上面嗰16个人成为市场主流，未必有人留意到我都唔紧要，因为大家唔同风格，而且佢哋啲fans都会结婚，到时可以用我首歌，两者唔会有冲突，偶像多人锺意我仲开心啦！」
想合作又怕触碰太多
骆胤鸣结婚当日，有朋友竟然拎咗张AL单人相跟她同老公「合照」，笑爆全场！她不忿说：「老公锺意Edan，佢由厕所唱到出客厅不停唱《e先生连环不幸事件》，又周围同人讲锺意Edan，好唔畀面我呀！反而结婚嗰日啲人问我爱老公多啲定AL？我有畀足面话『梗系我老公啦！』我最Like AL靓仔，笑容好又善良，佢喺MV望住你嘅眼神，好似望穿人咁！」年前已约满TVB嘅骆胤鸣都想入ViuTV同「教主」合作，但又唔想触碰到偶像，内心好矛盾！
關鍵字
最新回应