【11岁听TWINS】童年回忆返晒嚟 陈凯琳港铁月台又唱又跳《下一站天后》

陈凯琳（Grace）自18年初客串TVB剧《包青天再起风云》后便嫁畀郑嘉颖，先后为老公诞下大仔郑承悦（Rafael）及细仔郑承亮（Yannick），表演欲超强嘅佢冇得拍剧只能专心经营社交平台做KOL。继日前贴出喺屋企用APP玩变身后，今日又大Show幼嫩歌艺。

郑太今日将舞台由屋企搬到天后港铁站，身穿黑色透视短裙、紥马尾嘅佢喺天后站嘅月台上大声唱出Twins的《下一站天后》，唱歌同时还配上夸张舞蹈，见佢张开手又转晒圈，旁若无人非常自得其乐。29岁嘅Grace留言：「下一站天后 #童年回忆 #妈妈疯了」，郑太讲到童年回亿，咁就同佢计计数先，《下一站天后》系2003年作品，郑太就1992年出世，听呢首歌嗰阵郑太11岁，又真系童年回忆嘅。