叶巧琳处女骚今日网上开售 预告当系party同大家一齐玩

曾经参加《全民造星III》的叶巧琳 (Mischa)将于下月18日在 海洋公园怡庆坊举行音乐会，开票于今早在网上公开发售 ，今次是Mischa入行9年首次开骚，Mischa的心情相当复杂：「因为有好多嘢想俾大家睇到，包括一啲舞台效果，亦有音乐剧嘅嘢，仲有好多唔同嘅元素，有好多谂法喺个脑度，嚟紧会同制作团队开会，想尽量喺个演唱会度呈现最多嘢俾观众睇。」虽然演唱会的流程未定，但Mischa预告「一定会载歌载舞」，相信足以令歌迷大感期待！

Mischa还笑言除了她本人，她身边的亲友都十分兴奋，甚至比她更紧张，开骚消息公布后，很多亲戚朋友都心急扑飞，希望可以在现场欣赏 Mischa 的演出，Mischa表示：「我会当呢个演唱会系唱俾啲真系支持我嘅人去听，我觉得今次演出同之前嗰啲好唔同，因为今次大家真系买飞入嚟睇。好似我之前睇 Phil (林奕匡)演出咁，我感受到观众好期待同好锺意佢唱歌而去买飞睇，所以我都会落力去享受个show，压力唔算太大，因为唔会再担心有人去judge我嘅表现，我会当系一个party咁去同大家一齐玩。」而嘉宾方面，她指一切有待商讨。

虽然开骚前夕，Mischa参演「风车草剧团」的百老汇音乐剧《孪孪成人礼．Falsettoland》，但她却无惧工作繁忙，以致无时间彩排，反而视音乐剧是个为靓声做Gym的地方：「我相信9月中开演唱会嘅时候，声音会系最佳状态，因为之前要演音乐剧，一路咁样锻炼，好似做Gym咁样，所以应该会系几fit嘅！至于身型方面，始终系自己第一次开个人show，我都会为咗演唱会开始操fit自己，希望自己可以瘦多少少，着衫都靓啲！」