东奥空手道｜哥哥爆刘慕裳趣事爱大笑自认左脸靓啲

2021-08-09 07:54

刘慕裳喺东京奥运会勇夺空手道个人形一面铜牌，缔造咗香港运动嘅历史，喺赛场上英姿勃发，但喺现实生活中，佢系一个好开心、好贪靓同几糊涂嘅女仔。佢哥哥刘知名亦系一名空手道运动员，佢接受传媒访问时，就透露咗妹妹嘅生活点滴，话妹妹成日好锺意「哈哈哈」咁大笑，俾人觉得佢好嘈。仲有，刘慕裳好贪靓，觉得自己左边脸靓女啲，所以影亲相都叫人影左脸，仲识自动走位，走去哥哥左手边，等自己靓靓左脸上镜。

刘知名仲话，刘慕裳都几大头虾，个银包成日得三十蚊，所以经常向佢借钱，而佢哋一齐训练时，人人都叫刘慕裳做妹妹，叫佢做哥哥，刘慕裳变成「众人妹妹」，但现时就变咗「空手道一姐」。

知女莫若母，刘慕裳妈妈形容个女生活都几糊涂，但对空手道运动就好认真，佢知道训练想做到嘅效果，亦都跟到教练嘅要求，十分之有目标，并努力迈进。