秘密观赛选秀骚 张敬轩大喊：你哋唔好搞我啲歌啦！

音乐选秀节目《冤枉新秀训练营》进入stage 2的「跳唱对决」，请来经理人霍汶希（Mani）、容祖儿及《全民造星3》冠军折骨Ben（赵祥诚）担任评判。
比赛前，问到三位评判的评审取向？Mani率先表示自己最看重观众缘，「因为有观众先至有人锺意；第二就系手脚协唔协调，跳舞唔一定要好叻，但手脚协调先有机会好叻；第三就系唱歌有冇天份，唔系因为佢依家唱得好叻，系佢有冇天份可以变到好叻。」
祖儿则着重他们台上表演的自如度，「正常系会紧张，但系点样令到坐喺度嘅观众感觉到佢好认真去完成呢个演出呢？唔系净系得个惊字呢？各方面整体有冇一啲咁样嘅潜质，觉得佢系一粒有待被发掘嘅珍珠、种子。」
至于擅长跳舞的Ben当然以跳舞为标准，「协调同美感，动作嘅连贯性，要尊重呢个舞台，投入去做你表演嘅每一样嘢。」

首先出场是全男班的橙组，参赛歌曲是张敬轩的《Sweet Escape》，四位学员都是第一次跳舞。三位评判给评价后，镜头一转到幕后，原来张敬轩亦在场秘密观赛，轩仔被枉阿姐问到听到参赛者演唱《Sweet Escape》有其么感觉？轩仔便说：「你喺镜头前面问我呀？（停顿两秒）梗系好啦（带住成熟而不失尴尬的笑容）。完啦我只歌！」枉阿姐再说下一组的参赛歌曲亦是轩仔的《YOU》，轩仔便大喊：「你哋唔好搞我啲歌啦！」十分搞笑。