【独家】撇《造星II》兄弟「单飞」出歌　陈天翺唔怕同MIRROR竞争求进步

ViuTV真人骚《全民造星II》出身的陈天翺（Eagle），去年传率Team B兄弟洪助升（Aiden）、陈乐（Justin）和梁瑞峰（June）组男团岀道，男团未成事，Eagle先以独立创作歌手身份出道，近日推岀新歌《Our Last Day》，他认为单飞冇包袱，可以制作自己喜欢的音乐，亦不怕跟《造星》师兄弟及同期战友比较，皆因有竞争先有进步！撰文：黎宝伦　摄影：张咏森

新歌《Our Last Day》讲述在有限时间做应做的事及珍惜身边的人，经历疫情后，陈天翺更珍惜能做音乐的机会，希望创作更好及多元化的歌曲，又坦言为许廷铿作曲的《Negative》反应不俗，令他信心大增。问为何决定单飞？Eagle说：「咁要问番公司，我觉得做音乐唔需要受限制，唔一定签公司先做得音乐，每个人都可以喺睡房做Producer，做自己想做嘅音乐、发行畀人听，所以独立咁做都可以好自由。（3位兄弟有冇嬲你？）呢个要问佢哋，但都希望之后同佢哋有机会合作。」

说到《造星》仔女人气激增，一直专心做幕后的Eagle直言，没想到节目带挈更多人留意自己，令歌唱事业发展得更顺畅。可羡慕MIRROR和ERROR爆红？他说：「我好欣赏佢哋，佢哋每一个都好努力，要练唱歌、排舞、拍广告等，但都Keep住个状态，其实香港好多年青歌手都好努力，所以都好羡慕成个气氛咁开心，为香港乐坛做得更好。」并谓无惧比较，皆因大家各自创作喜欢的音乐，良性竞争才会做得更好，「我唔需要比较，最紧要做好自己，令自己进步，做得好自然会有人认同。」那么是否恨拍戏、接广告作多线发展？音乐才子Eagle却想专注玩音乐，「我去跳舞拍戏都要人哋OK先，嗰啲嘢有就有冇就冇，冇所谓。」