【冲呀】女友视角Feel 陈安立半裸屋企做引体上升

33岁的ViuTV艺人陈安立(Brian)呢期出镜率好高，因为佢系ViuTV节目《奥运有得拣》主持，睇Brian 身形都知佢系运动人，搵佢主持奥运真系好适合，碌佢IG，见佢跑步又啱踩单车又啱，打篮球又锺意，难怪咁鬼大只，不过呢期佢咁忙，加上日日都落雨，唔可以出去做运动可以点?只要你屋企有门就帮到你。

前晚，Brian上载短片到IG，佢喺屋企房门装咗条棍，用嚟玩引体上升，半裸嘅佢轻松做咗十吓面不改容，段片最好睇嘅系好鬼女友视角Feel，特别系佢做完拧转面行近镜头，心跳加速㗎真系。