【Juicy叮】公司拒准外出只可叫外卖 仅半小时午膳网民欲辞职

网民在「香港讨论区」发文抱怨，公司不批准员工外出用膳，只可在办公室叫外卖，而且每日实际上只得约半小时午饭，直言「辞职就一定啦」。

网民指，现职的公司虽然其实无讲明午饭时间有多长，「但我见个个员工每次食饭都好似抢食一样，仲要系日日都系叫外卖，食咗半个钟都唔知有无」。网民曾经询问同事，对方告知公司不容许员工外出用膳，网民质疑「我听到嘅时候都O咗，以前返工我都有1个半钟时间食饭，宜家个个员工每次食咗半个钟就即刻去做嘢...我每次觉得自己食慢啲就好似会比个上司望住咁」

网民形容，「我心入面其实都已经想讲晒粗口，食饭时间其实都可以话系无」，于是问有没有其他公司都是同一情况。

有网民留言说，「我公司都系无规定几点钟食，都系无人出去食饭架，又系一食完就做嘢。不过我返工第二日就好坚持自己要有1个钟私人时间，你就算唔畀我准时食，OK我可以食晏啲，但我同你count返1个钟出嚟。」有人感同身受，「以前，我间公司都系半小时，唔准著公司灯同冷气」。

有人认为，「楼主个case似系，公司雇佣合约写就系写有一个钟，但唔知个老细用咩方法搞到佢啲同事个个都唔敢食超过半个钟就继续做嘢。连食饭时间都暗地剥削，咁人工都唔慌高得去边。佢哋咁都唔辞职转工，即系佢哋喺个市场嘅竞争力真系好低。其实咁样被剥削，不如返下麦当劳做下保安，仲好过返呢啲写字楼工」。


帖文转载自《公司唔比员工外出食饭永远只可以叫外卖 食饭时间半个钟都唔知有冇》