【靓妈唔易做】自称可减腰痛助产后修身　杨焉怀孕34周坚持做瑜伽

2021-07-30 06:00

「浸大咪神」前名杨梓瑶的杨焉（Carol）退出娱乐圈后转型成为瑜伽导师，早前宣布喜讯正在怀孕中，至今已34周，尚有一个多月BB便出世。未知是否教开瑜伽，她与林芊妤（Coffee）一样都在陀B期间继续做瑜伽及运动，而且是器械种类，睇见都令人惊讶。不过Carol好少理，昨日（29日）更打了一大段留言讲解：「好多人锺意畀意见都唔够，仲好想你采用佢嘅意见，要食乜维他命、用边个陪月、边个医生、喺边到生，当然大部分都为你好，而且佢哋亲身经历过，但呢啲唔等于你认同，可以坚持自己嘅意向的确系一门艺术。我已经将所有嘢减至6至7成，我一直都强调，‼️怀孕期间做能力范嘅嘢，唔系走去学新嘢，妈妈嘅危机意识其实好强，只系其他人明白唔到。」

Carol不讳言曾经有想过如果用腹肌整亲BB怎么办，但她认为除非每日操几个钟，一星期操七日都是核心运动，否则一星期锻鍊一、两日，可以保持肌肉弹性及记忆，产后便不用浪费金钱去扎肚，更以四点支持自己的意见：「第一，你冇咁易拗腰令下腰过分负重而引致腰痛；第二，减轻膝头的负荷；第三，balance得好啲冇咁易跌亲或拗柴；第四，产后收复容易好多。」不过她陀B举重，始终都要小心一点。