粗犷老窦的温柔亲子活动 李璨琛帮囡囡搽指甲油

45岁嘅李璨琛之前成日要返内地工作，自上月回港后都仍然留港，见佢好忙，同黄浩然跑山，又去游船河，系咁约朋友见面，当然要留番多啲时间陪三岁KOL囡囡Lucy(李元元)。

Lucy嘅IG Follower有成30万，多过爸爸三万几，爸爸回归令囡囡嘅IG丰富咗内容，之前就有Lucy同爸爸玩梳头，最新有纹身爸爸变身修甲师，温柔地帮囡囡搽指甲油，见爸爸拎住小扫同囡囡嘅指甲油颜色，仲识等乾咗少少再加啲闪粉，完成成个程序，Lucy就行去坐地风扇前吹乾，由于身高同风扇一样咁高，吹乾指甲之馀连啲头发都吹到乱晒笼，好得意。