【导演也着迷】拍MV自肥悭5千学费　彭秀慧获Edan亲自指导弹琴

2021-07-25 01:45

导演兼舞台剧演员彭秀慧昨日（24日）在社交网上载与人气组合MIRROR成员吕爵安（Edan）的合照，她更写上令「爵屎」超级羡慕的留言：「身边有好多人锺意Edan，尤其系拍嘢嘅朋友，大家都觉得佢可塑声好高，第一眼未必系最靓仔，但系越浸越浓嘅魅力，来自和蔼可亲嘅外表，但系又才华洋溢，搞笑又得，认真又得。嗰日拍MV捉住佢教我弹〈E先生〉嘅第一段，唔使比$5000学费，赚咗！」

原来当日彭秀慧为Edan新歌〈小谐星〉拍MV，歌曲前日（23日）出街，YouTube的观看次数已逾62万人次（截止昨晚11时）。她贴出多张照片中，除了被Edan搭膊头合照外，又有头贴头的照片，而拥有8级钢琴资格的Edan，还教彭秀慧弹《E先生》的第一段，虽然没有捉住手仔教，但相信已令众「爵屎」羡慕又妒忌。
作为导演的彭秀慧曾教过Edan演戏，不过因为对方太忙，以致甚少现身上堂，她留言：「嗰段时间啱啱好经历《E先生》录音同埋《胶战》拍摄，所以嚟嘅次数唔多，仲系warm up阶段，我觉得自己未真正认识佢，甚至冇认真倾过偈。后来喺MIRROR演唱会后台见到佢，内心虽然好想同佢打招呼，同佢讲佢嗰part嘅演出真系好正，但系原来我好怕羞呀，真心唔好意思，惊佢唔记得我嘛。」相信今次在MV合作，可以令二人加深了解。