【独家】为歌手梦勤力读书攞学位 Rock Archie感激李克勤赞增自信

TVB歌唱比赛《声梦传奇》已进入六强阶段，当中只净下两名男将，分别是25岁的Rock（何晋乐）和23岁的Archie（冼靖峰），两人同样拥有高学历兼高薪厚职，他们自爆为说服家人圆歌手梦，努力读书攞学士再搵埋工才敢参赛，而他们参赛以来最感激主理人李克勤的说话，令他们信心大增。撰文：杜淑霞 摄影：谭壹致

由15位参赛者到现在六强，Archie最受李克勤一番话激励，「记得李生讲过我似一嚿海绵，我会喺唔同人身上，合作又好、教我嘅时候又好、或者普通沟通观察都好，我都会喺嗰个人身上吸到啲嘢，我会觉得几开心，入呢行最重要其中一样嘢就系不断学习，有能力去学习，唔系有心态咁简单，人哋好嘅你都可以好快模仿得到，或者学得到变咗自己嘅嘢。」而有机会得到克勤亲自教唱歌曲《我不会唱歌》的Rock亦一样，「李生有句说话令我启蒙，或者令我迷失之中搵到少少方向，第一次唱《坏与更坏》，佢话『你唱歌好好听，你只系启发咗50% potential，你最后50%可以慢慢去发掘，你好有潜质』好开心，真系威过攞奖，一个咁认可嘅人去畀自己肯定。」

获同事家人支持


Rock本身在英国读书更取得药剂师资格，现职理财策划，而在港大毕业的Archie，则是银行MT（Management Trainee管理培训生）；原来他们拥有这一切多得追逐歌手梦而达到。Rock说：「音乐令到我畀心机读书，因为屋企人唔畀，读到书就做乜都得啦！因为有后路，考到（药剂师）个牌我都开心，我入去做保险都系因为可以玩音乐，自由度比较大，唔做药剂师因为困身同埋压力大，做保险都系自己开心嘅职业。希望完咗比赛可以继续唱歌，继续走艺人呢条路，我自己当然希望可以双线行，因为呢个系我对自己promise，同埋对啲客嘅promise嚟。」Archie坦言参赛后，不单得到同事支持，笑言连家人也转軚，「好得意佢哋见到我做得比较有成绩啦！（Rock：有冇咁现实呀？）我阿爸阿妈好现实，播出之后好多声音畀番我父母听，佢哋知道有人留意有人锺意，话唔定有啲转軚嘅感觉。（之前对你冇信心？）真系冇！因为好惊细蚊仔廿几岁，三分钟热度想做呢样嘢，捱唔起！」