疑涉欺凌停工近半年 铉辰「解冻」回归Stray Kids

韩国男团Stray Kids早前参加男团竞赛节目《Kingdom》夺冠之后人气急升，连带有唔少新工作，一众成员更会出现在杂志《W KOREA》8月号的内页。成员分开两组影相，又以海军装束示人，够晒青春活力，不过数数吓人头，点解有8个嘅？

原来系怀疑涉欺凌的21岁成员铉辰终于蒲头，佢上载亲笔信认学生时期有辱骂同嘲笑同学，但就冇欺凌，今年2月开始停工反省。《Kingdom》冇晒影，仲以为铉辰要再俾人雪多排，不过一众网民强烈要求退团都退唔成，人气成员果然系大晒。