李璨琛回港即狂带囡囡去玩 Lucy郊游游又去沙滩玩水

李璨琛(Sam)家有一位网红囡囡李元元（Lucy），IG Followers有27万多过爸爸一万。之前一家之主返咗内地工作一段长时间，一返归即尽返老窦责任，带囡囡去玩。寻日Sam同埋关秀媚男友，前影星李炜尚带Lucy去行街街，食完雪糕再去行公园仲去埋大潭水坝，见阿Sam拖住囡囡行水塘，肥妹仔行到弹弹吓，超得意。

寻日出完一身汗，今日李璨琛一家三口去咗沙滩玩，Lucy着住两件头泳衣，目光完全离唔开佢个肥肚腩，笑到眯晒眼好搞鬼。Lucy妈留言：「合家照，真的久违了」hashtag连自己都想点赞及李门这一家。