【盛．舞者】钱嘉乐想玩都郁唔到 狄易达「红帽」自勉别放弃

TVB舞动综艺人真人骚《盛．舞者》昨晚播出第二集，以「共融」为题，正式进入故事及跳舞模式，让各位舞界人士各自诉说他们的跳舞故事。1984年已参加霹雳舞比赛的主持钱嘉乐感叹：「呢个世界已经系啲后生仔㗎喇，我哋老了，郁不到了。我参加霹雳舞大赛时，睇你都未出世，但我又真系想你哋参埋我玩，年轻真好！」另一主持Jace（陈凯咏）就鼓励大家不要因为年纪大了放弃跳舞：「跳舞边有分年纪㗎？只要你锺意跳舞，可以跳一世都得。」


导师狄易达、麦秋成与王君馨亦作深情分享，当中达仔的故事感性又励志：「细个BATTLE亲都觉得自己会输，我就用『红帽』勉励自己，叫自己热血啲、唔好咁易放弃。因为学Breaking唔系日计，系以年计。学一个动作，可能一年先进步一个圈，要坚持住。平时唔跳嘅人，系幻想唔到嗰种辛苦，系出咗所有力，都未必得到，但唔用力，就冇可能达到，所以要坚持！」

麦秋成则展示手上的抢眼纹身「尊师重道」，并指其代表着舞者精神：「跳舞唔单止学肢架动作，系学嗰种精神。无论咩舞种，坚持精神都系第一！同埋我哋要尊重彼此，起舞并存，呢个系我老师教嘅。」君馨则指主要透过舞蹈感受情绪，并从而将之自由抒发。
众舞者之中，客串角色多年的袁镇业自言以前全职跳舞，因为伤患所以转行。方绍聪（奶仔）则自爆在TVB已经11个年头：「TVB演员乜都识！我强项系慈云山大髀王，我肯定系呢度大髀最粗嘅！」