【独家】做咗阿妈胸大咗老公变热情 熊黛林40岁重出江湖罕谈城城

熊黛林(Lynn)宣布重出江湖，上周五以医学美容代言人身份出席开幕活动，穿上大Show曲线的长裙，靓爆全场。40岁嘅Lynn兴奋自爆闺房秘密：「老公(郭可颂)见我复工后咁索都热情咗好多呀！」「幸福人妻」经常喺社交平台放闪，仲不时同旧爱郭富城前后脚出Post，Lynn首次开腔解密：「我系被迫嘅。」！采访：方骞平 摄影：谭壹致 场地：perFACE@旺角朗豪坊

熊黛林做咗医学美容代言人10年，她强调唔系从酬金出发，最重要系帮到手扮靓：「我生完孖女后水肿得好紧要，佢哋用咗一个月时间同我执返靓，𠵱家都有Keep住做Treatment。」Lynn强调只要靓，接受女仔做医学美容：「靓有乜罪呀？人工咪人工罗！暂时我做机就够。」至于会否考虑隆胸？她耍手大笑：「我觉得唔使，否则好难搵衫，而且做咗妈咪后，升咗去34C。经理人经已投诉我胸大手脚瘦，身形不成比例好难搞！」问到最有满足感系咪老公？她偷笑说：「我返去问吓佢！」

做全职妈妈曾经迷失
对于靓嘅定义，熊黛林强调唔系单睇五官有几精致，最紧要皮肤好firm，内里要有信心，她自信说：「老公眼中我系最靓，如果佢觉得有第二个比我靓就大镬喇！我老公唔会𥄫女，平时我喺佢隔离应该系最突出一个，因为我够高！」她又分享经验之谈，话如果一个女仔成日担心呢样嗰样就会好唔快乐，做女仔要增值自己，要对自己有信心：「其实我生完BB，出返嚟做嘢后变得更有信心，可能有咗经历，能散发魅力，最重要系出嚟见人要打扮，唔可以再咁hea，前两年囡囡好黐身，我hea到唔化妆，求其着条牛仔裤就出街，呢段时间有啲迷失，直至𠵱家着返靓衫，成个人真系唔同晒。」变返「索爆人妻」，她开心说：「老公𠵱家热情咗好多，我见到佢眼神，感觉都唔同晒，所以女人一定要做嘢。」

拒谈苟芸慧婚变传闻
Lynn同旧爱城城多次前后脚在社交平台放闪成为热话，Lynn对此开腔解画：「识我嘅人都知道我好懒，系公司要我出㗎！有时公司见我好耐都冇出过嘢咪叫我出吓，咁有啲固定日子，好似BB生日又要出，真系避无可避。」提到经常同城城前后脚出post，她说不知情：「唔知喎，我出咗post就算，唔会睇返。」另外，当年被指介入做「第三者」嘅苟芸慧传出婚变，Lynn回避敏感问题，只说：「唔关我事呀！」