【一见如故】合拍MV游叮叮河齐𥄫靓仔　郑欣宜劲羡慕Serrini S形线条

郑欣宜（Joyce）新歌《先哭为敬》推出后好评如潮，早前她邀得有份作曲的Serrini（梁嘉茵）来一个合唱版《先哭为敬（尾班车Version）》，并包了一架电车游叮叮河拍MV。收Demo到拍MV前，两人一直都只是「网友」，直至拍MV日才终于首次见面，Joyce说：「我有睇Serrini嘅演出和MV，好锺意佢嘅歌声和风格，感觉我同佢好似来自同一块料子裁出嚟咁，虽然各有风格但又好夹，所以我同公司讲好想同佢合作，终于等到佢嘅Demo，一听就好锺意。」对于此曲本来为一位男歌手所写，她说：「可能唔输得嘅性格，见到『男人歌』三个字就偏要唱。」

合唱版MV拍摄当日，电车游走铜锣湾、跑马地和中环，心情大好的Joyce未埋位已扭腰跳舞又风骚向途人挥手，被拍照时更摆甫士任影唔嬲。Serrini初时比较含蓄，但电车驶到跑马地运动场附近时，Joyce与Serrini手指指又细声讲大声笑，原来她们在𥄫靓仔。初次见面，Joyce一见面就赞Serrini：「好羡慕佢条腰，我冇呀！」Serrini亦赞对方皮肤好靓兼佩服她的自信，Joyce坦言：「我试过素颜戴帽，以为冇人发现，结果一样被人认出，咁算啦不如我摆埋甫士，最紧要影得我靓啲！」