【独家】开红馆骚歌酬预埋离世好兄弟 太极痛说唐奕聪瞒病呕血扮冇嘢

今年3月2日，太极乐队成员唐奕聪（Gary）因心脏病发突然离世，失去同甘共苦36年的战友，邓建明（Joey）、雷有辉（Patrick）、朱翰博（Ricky）、刘贤德(Hi-Fi德) 和盛旦华（蛇仔）相当难过，难以接受！蛇仔痛心透露Gary生前为咗唔想班兄弟担心而隐瞒病情，就算咳到成张湿纸巾都系血及心脏曾经衰竭都冇出声，然后就变成「狼来了」的遗憾故事！采访：方骞平 摄影:谭壹致 化妆：Kei Kei Ng 发型：Seiko Sin@HairCulture 场地：Wako Sake Bar

去年是太极乐队成军35周年，6人签晒合约，影晒宣传海报，去年底随时可以埋位，最后受疫情耽误，一波多折，演出无期。Gary因为3月时猝逝，剩下5子陷入困局中，蛇仔说：「Gary都走埋，演出嘅事我哋都唔知点算好，直至两个月前红馆突然话有期畀我哋，8月7至8日呢两场太极《Rainbow After Rain演唱会》，应该系Gary保佑。」

Gary送畀太极的礼物

Hi-Fi德形容红馆Show是Gary送给太极的礼物：「7加8(8月7至8日开Show)系15，咁啱8月15日系Gary生日前夕，计完我都惊一惊，Gary好嘢！」一日兄弟，一世兄弟，更何况Gary有份签约，Patrick表示今次歌酬会分成6份，Gary那份会交给遗孀Lotty。Patrick说：「我哋一直当佢喺度，只系见唔到真身，仙游咗嘅Gary会周围去。」

Gary唔想好兄弟担心

回忆Gary生前点滴，兄弟们好有感受，Ricky说：「有次巡演佢食龙虾同炒饭，食到要冲入洗手间呕吐，因为门反锁咗，队中我同Joey Tang最瘦，我哋要潜落去厕格救佢，佢呕到满身都系，嗰晚仲著住啲污糟衫嚟瞓觉！」Joey同Gary最后一次睇Show喺美国Reno：「当时我哋做Kelly巡演，顺道睇Foreigner演唱会。」Joey扮劲说：「哈！我仲批准佢食龙虾添呀！」此刻，蛇仔就爆Gary成日为咗食嘢发佢哋脾气：「佢叫到成枱食物，我哋成日劝止，仲提佢要食得健康啲，唔好暴食，佢会黑面同发脾气…不过，佢好为我哋，我听返佢助手讲，有次上台前，佢咳完一轮，示意叫助手行过去帮手掉垃圾，点知系张染满血嘅湿纸巾，Gary见助手惊恐神情，淡淡然回话『我冇嘢，掉咗佢啦！』佢个人就系咁，唔理自己，净系怕我哋担心，我哋话佢系冇用嘅。17年佢心脏衰竭脱险后，佢系咁疯狂做运动，劝咗佢唔好一下子游水游得咁激烈，但佢都唔理。」

Hi-Fi德系唯一最清楚Gary病危嘅兄弟：「17年我有去医院探过佢，当时佢奇迹地精神，可以落牀做迎宾，佢系咁，唔会畀你睇到佢有几大件事，只系轻描淡写同我提过：『不如换咗个心啦！』因为我太太系医生，佢会谘询我太太意见，我先知佢状况原来咁严重。」蛇仔心嗡说：「我会为今次演唱会尽量戒糖同戒辣，唐生走咗，下个应该到我，因为我系第2最肥，再谂吓，呢个年纪唔后生，应该差唔多喇…眼见林建名、廖启智、钱国伟、发型师Jacky Ma（马桂灿）走吓又一个，而且疫情下弹埋今次唔知要停几耐，做人真系要活在当下，学会珍惜！」