【独家】手机失而复得好感动 乔宝宝做半日店长筹款助印度抗疫

虽然印度新冠疫情持续放缓，最新确诊及死亡人数明显下跌，但印裔港人乔宝宝心系家乡，日前中午，他变身印度餐厅店长，做半日义工筹款助印度抗疫。另外，宝宝日前唔小心将手机遗留的士，没想到致电手机时，司机没问他收取任何回报就物归原主，令他非常感动。 采访：方骞平、谭壹致 场地：Curry Leaf Indian Restaurant@佐敦茂林街

由于乔宝宝喺苏格兰同妹妹及妹夫合资经营印度餐厅，每周都会落去帮吓手，所以今次由试菜到招呼人客、出菜、洗碗样样都冇难度。呢位店长仲好尽责，走匀全场问客人：「啲嘢好唔好食？」又发挥𠱁女本色，执枱时搞鬼地笑问女顾客：「使唔使拎埋个茶壶走？」𠱁到两位笑点好低嘅中女笑住走，宾至如归。

乔宝宝大赞相熟嘅印度餐厅老板好有心，两年前疫情爆发初期，他订咗两个货柜嘅口罩，出钱出力派畀本港弱势社群，𠵱家又捐助同乡，当日老板除咗捐出全日收益，再补贴多5万港币，共筹得6位数字港元善款。乔宝宝在苏格兰有屋有餐厅，其实年轻时都捱过苦：「后生做过洗碗、送外卖、洗厕所、跟车、倒垃圾等工作，呢啲工种好多年青人都唔肯做，多数交畀南亚裔人做，但我哋胜在够勤力，唔介意做，最紧要有工开。」问他可会在港搞印度餐厅？宝宝坦言有谂过，但香港租金及装修费太贵，计落利润好低，除非喺工厂区做快餐，仲要多份人夹先至化算。另外，印度最新单日疫情，新增数字去返近两个月低位，乔宝宝话听落好似少咗好多，其实实质数字都唔少，期望年底超过6成人可以打齐两针，到时能扩大防疫网。