C AllStar飞债缠身好头痛 钊峰被批胸肌唔够On仔硬

倒数尚有一个多月，C AllStar第3次红馆开唱，因为首次四面台表演，心情特别兴奋和紧张，但同时他们却因为飞债缠身好头痛。钊峰说：「优先订票好快卖晒，陆陆续续好多朋友买唔到都打电话嚟搵我订飞，我有好多飞债呀！」他更双手合十、一脸可怜向妈妈道歉：「妈妈，如果再要飞都要上网揿呀！」促妈妈明早（16日）10点准时上网公开发售扑飞。

一票难求，钊峰笑言好奇吴崇铭（King）和何建曦（Jase）如何安排多位红颜知己的座位？King即刻拉埋钊峰落水，笑言：「我啲妃嫔就会坐喺你啲妃嫔隔离。」陈健安（On 仔）懒理三子讲到嘻哈大笑，他认真地用手指检查钊峰胸肌，说：「我帮大家Check吓啲质地，钊峰硬咗喎，做过咩嚟？」身旁King有样学样，笃完钊峰又笃On仔胸肌，再笃自己比较，然后一脸权威说：「钊峰又未够On仔咁硬！」钊峰说：「我都冇佢咁大。」Jase笑说：「钊峰被On仔揿完之后硬咗！」

四个大男孩为胸肌议论纷纷，原来他们为了配合今次演唱会服装备战。King说： 「大家练咗咁耐，当然会有啲服装可以Show到成果。今次无论台、灯、声和服装，都比我哋以往演唱会更贵更靓，睇我哋张海报都知咁多设计就知，所以真系好抵睇。」对于全场划一票价，他们向Fans大派定心丸：「划一票价人人平等，个个都系靓位，放心，无论坐边个位都有可观性。」