【独家】《浊水》演露宿者一周激减20磅蔡思韵爆朱栢康拍摄一度见晕

2021-06-03 22:30

蔡思韵（Cecilia）和朱栢康（朱康）最近在以露宿者为题电影《浊水漂流》中分饰社工和露宿者，Cecilia自爆读书时已跟导演李骏硕（Jun）有一舞之缘，再合作感有趣；而朱康为角色在一星期内激减20磅，Cecilia爆他拍摄时一度见晕。戏中两人首度跟吴镇宇和谢君豪合作，他们大赞前辈演技出色外，亦好照顾拍档。撰文：杜淑霞摄影：谭壹致形象：Man Wing（朱康）发型：Ginny@hairculture（朱康）、Lupuschui@orient4 化妆：Maggie Lee（朱康）、WiLLWong 场地：Campfire Collaborative Space

Cecilia虽然初次跟导演合作，但早已试过一齐跳舞，「我嗰时系中学生，Jun系大学生，我哋喺一个跳现代舞嘅活动合作，一齐玩一齐跳舞认识，咁多年冇见，我都有睇佢作品《翠丝》，我casting呢套戏相认番，好有趣好多年冇见，casting嗰阵都有个熟识感。」

演技出色真假难分

为了演露宿者，朱康除了到深水埗观察露宿者生活状态外，更专登为角色捱住饿在一周内激减廿磅，「我个方法咪唔食嘢，一日食一个苹果，我住好近山，每朝跑山，会跑45分钟至1个钟，会check住心跳，去到礼拜尾喺个山度见晕，就跑番平地，个几礼拜后都达标，开拍冇力就开始食番啲菜。（蔡：破地狱场戏佢差啲晕！）因为keep住食好少嘢，减到我都觉得黐线，朋友佢话『你劲过Christian Bale，佢收几多钱你收几多钱，你都可以做到你仲唔系劲过』，去到破地狱嗰场真系晕，虽然体力上唔需要好多，但系脑消耗，你嘅集中，咁长时间拍摄真系好辛苦。」

讲到跟吴镇宇和谢君豪合作，Cecilia指镇宇哥演技出色到真假难分，「佢喺现场就算唔系拍紧，会唔够胆靠近佢，佢唔出声好专注喺角色度，但系去到庆功宴佢成个小朋友咁，好讲得笑同我哋玩埋一堆，完全系两个人，原来嗰阵系角色嚟。」朱康就感激君豪哥多次相救，「用佢个角色嘅选择去救咗我，有时慢咗（节奏）你唔知，佢可以带到你喺番个正轨度，喺片场君豪哥系好take care我哋，好主动亲近我哋倾偈。」