频道开设57日249万订阅 二宫和也大哂YouTube认证金银奖牌
2021-06-03 14:30 
日本国民男团「岚」休团至今已五个月，成员二宫和也继续发展个人事业，为咗配合尊尼事务所进军海外市场，早于4月连同三位尊尼事务所后辈开设YouTube频道「Johnny的Channel」。昨日频道上载影片「你掉的是这个银盾牌还是这块银盾牌？」，二宫大哂终于收到由美国YouTube总部送嚟嘅两块奖牌。分别系YouTuber订阅人数破10万就会获得嘅「白银创作者奖」银牌，以及破百万订阅人数嘅「黄金创作者奖」金牌，其实Channel成立至今57日订阅人数249万，绝对超额完成，认真厉害！
影片中二宫约咗Channel其馀3位后辈想畀个惊喜大家，但搞笑话要享受优越感所以自己拆奖牌先。二宫抱住两块奖牌向镜头展示，左右摇吓摇吓咁表情劲得戚，多谢Fans对佢哋嘅支持！之后就随意放奖牌喺地下，想知3位后辈睇到有乜反应。
3个后辈成日被二宫整蛊搞到吓怕咗，所以入到房先注意到角落神秘嘅保险箱，随即大嗌搞乜整到生化危机咁，直到二宫提醒之下3个先吓亲，开心到跑去拎起地下奖牌！KTU-TUN成员中丸雄一吓到傻咗，除咗问有无铜奖牌，更误信Sexy Zone成员菊池风磨嘅嘅大话，以为奖牌系纯金制作！二宫表示佢哋系第五个由事务所开设的YouTube Channel得到奖牌，后辈们听到之后话要将奖牌挂喺房展示，好威水咁话！Hey! Say! JUMP成员山田凉介讲感受，仲特登多谢二宫喺早前庆生影片畀个机会佢同前辈中丸交流，虽然两人唔系好熟，但会继续努力打好关系！
關鍵字
最新回应