签纸半年终于摆到酒 骆胤鸣婚宴同Anson Lo张相合照

《超级巨声》出身的骆胤鸣原定于去年12月27日与拍拖逾5年的男友Kelvin结婚，碍于疫情影响，二人先行签纸，延至昨日才补摆喜酒，好姊妹麦美恩专诚到贺，其绯闻男友许文轩则任「姊妹团」。

骆胤鸣在社交网站写道：「终于补办晒所有结婚要做但又未做嘅仪式，多谢天公造美，噚晚12点返到屋企先至嚟行雷闪电落大雨，BTW我部手机得返啲奇怪相，例如系有个女艺人拍紧两套剧都拎住部相机飞车过嚟，点知都系用手机帮另一位男艺人影相，仲有一张系大家帮我哋同Anson Lo合照，所以你哋同我影咗相嘅朋友，快啲send返啲相俾我！」所谓同Anson Lo合照系有人喺一对新人前拎住AL张相，隔空合照都几好笑。