被连累仆落楼梯险破相林欣彤Po合照原谅爱犬

2021-05-31 16:30

歌手林欣彤早前（Mag）带爱犬「飞飞」落街放狗，可能「飞飞」一时兴奋突然失控，连累Mag仆落楼梯。Mag喺屋企人陪同下睇医生，之后上载伤势相到社交平台，见佢手脚同下巴都损晒流晒血，Fans都非常担心！幸好休养一周后伤势已冇大碍，昨日仲上载与「飞飞」嘅新合照报平安，相中可见阿Mag嘅下巴仍贴住胶布，认真可怜。

出名锡狗仔嘅林欣彤表示事发一天后已经原谅爱犬：「其实今次一跌好似系个天畀我放咗个假咁，好好调整自己心态，真真正正地休息，养宠物真系好大责任，有开心，亦有辛酸，大家养之前一定要谂清谂楚呀，最好当然系领养啦。」Mag亦好多谢大家对佢嘅关心：「我好转紧啦～好想可以快啲做运动呀，其实行得走得，四肢健全，系好好好值得感恩嘅事！」。有网民留言「飞飞」有佢呢个主人真系幸福，亦为Mag打气，希望佢可以好好休息、早日康复。