【独家】印度多粉丝可去当地发展 陈欣妍被成家宏拒任经理人

陈欣妍（Shirley）跟印度裔成家宏（Karan Cholia）首度合作港式Bollywood电影《我的印度男友》。Karan虽然在港长大，但要应付戏中大部份广东话对白仍有难度，幸好有Shirley和乔宝宝指点。由于疫情关系该片未能到印度取景及宣传，令Shirley大失所望，但Karan爆她印度已有很多粉丝，可去当地发展，提议Karan做Shirley印度经理人，他竟断言拒绝，「咁我仲点做演员呀！」撰文：杜淑霞 摄影：谭壹致 发型：Keith Ma@Salon Trinity(Shirley) 化妆：Ada Ling(Shirley) 服装：indiindia.hk(Shirley)、H&M(Karan) 场地：R One Space御一空间

由于是初次合作，Shirley见Karan比较cool，唯有做主动，「佢唔笑个样好cool，但原来只系怕丑，比较慢热，拍拍吓有日拍外景喺个岛上面，我就问佢情史初恋嗰啲，倾完偈我哋就熟咗啦！」

Karan经常讲广东话，但面对戏中广东话对白，他一样呻难，「我同家姐、细佬会讲广东话，父母就讲印度文，同印度朋友讲印度文同英文，同香港朋友讲中文同英文。我识睇少少中文，剧本我会睇咗英文再睇中文，叫埋朋友帮我录音，我再写拼音背，都用咗好多时间。（边句对白特别难？）家有一老如有一宝，系乔宝宝帮咗我！」在片场Shirley和乔宝宝都是他导师，特别戏中爸爸乔宝宝会当他仔来照顾，「佢会话畀我听应该点样讲，自己怕丑，佢叫我唔好咁怕丑，『得㗎啦，爸爸喺度呀！』」



Shirley最初得知去印度拍外景劲兴奋，可惜最终因疫情，连去当地宣传都有困难，令她好失望，「𠵱家都未知印度几时上，或者喺院线定喺线上睇，因为当地疫情好严重，就算上得院线都唔会系短期内嘅事，所以未知佢哋计划系点。我本身谂住着套好靓嘅印度衫，喺好靓嘅景摆吓甫士跳吓舞，我系好想做，但系去唔到，我系谂住去打咭同埋食嘢，希望下次有机会啦！」Karan爆Shirley因该片在印度已有好多fans，Shirley兴奋话：「我收到好多印度电影嘅casting，我真系好想好想去，但系𠵱家去唔到罗！」叫Karan帮她做经理人，怎料Karan竟露出个嫌弃样，「我帮你做经理人，我仲点做演员呀！」