想同林二汶出合唱歌 Jer率先爆《调教你MIRROR》队员零妆上镜

林二汶与Mirror的阿Jer(柳应廷)昨晚担任Chill GOODTV《Music Panda》节目的嘉宾，两人分别独唱及合唱多首歌，前者更挑战Serrini《网络安全隐患》，唱出另一种味道而被网民大赞，于留言区狂留MM7。节目全长1小时十多分钟，有近万fans捧场。

除了唱歌，两人不时回应歌迷问题，二汶第一个就问：「咩系MM7，点解咁多人打MM7？」阿Jer就帮忙解画:「系速成码，系个『正』字罗。佢哋想打得快，依家就会用MM7代表个正字。」二汶话，「哦，原来系咁，多谢大家赞我哋正呀！哈哈」歌迷留言叫两人下次试吓一齐做个史诗式跳舞live，二汶未被吓倒，笑住话，「我从来都系一个dancer，我可以一字马㗎。」而阿Jer最大心愿系同二汶有合唱歌，跳舞都可以：「不过我排舞好麻烦，我记得比人地慢，所以经常排排吓会尖叫，记唔到停晒喺度㗎！我班队员都已经习惯咗我，一排舞就会大叫，佢哋唔理我任由我叫......」对于Jer的愿望，林二汶就幽默回应：「我愿意」。

Jer又透露最近忙于拍新节目《调教你MIRROR》，「会有新一面俾大家睇，我哋全部都唔化妆，素颜上镜。话晒系偶像组合，平时花姐都要我哋好靓仔，如果打扮差，花姐会闹，今次攞正牌不用打扮，真面目示人都几得意。」