【独家】与法国五月艺术节携手办善举 张王幼伦搞活动揉合中法特色

「嘉顿新抱」兼珠宝设计师张王幼伦（Michelle），成立多年的「领贤慈善基金」（FIF）将与「法国五月艺术节2021」携手举办《牛牛与贝乐安—希望与和谐双琴合奏》，更邀请米芝莲二星食府创办人兼行政总厨刘韵棋（Vicky）联同另外三位厨师炮制中法特色菜谱。Michelle坦承在疫情下搞活动有一定难度，但相信跟今次大会主题一样，只要抱着「希望与和谐」，就能顺利完成。撰文：杜淑霞 摄影：谭壹致 场地：香港君悦酒店

Michelle坦承这3年搞慈善活动面对着前所未有的挑战，压力特别大，但她依然好有信心，「相信积极唔好放弃，上天会帮我哋，今年又系唔同挑战，唯有谂辧法可以做到为止，喺疫情之下，大家最紧要安全第一，系有一定难度，但唔系话做唔到，大家小心行事依足法例，都可以做得到，大家最紧要一条心去做好件事，今次唔谂筹款目标，顺利完成就好感恩啦！」

Michelle由去年已开始构思，今次更会跟「法国五月艺术节目2021」合作，「法国五月艺术节其中一个项目系我哋『领贤』赞助，邀请咗牛牛同来自法国的大提琴家贝乐安合奏，系一个中法嘅合作，另外，喺我心目中厨师都系艺术家，今次仲请咗包括：米芝莲二星食府『Tate Dining Room』创办人兼行政总厨Vicky Lau、米芝莲二星食府『Écriture』行政总厨Maxime Gilbert，同埋美心副总厨师胡育明师傅及邓亮洪师傅，设计结合咗中法嘅菜式出嚟。」Vicky补充说：「喺构思过程，要做到中法合璧，所以加咗啲中菜元素，譬如用咗陈皮，同埋主菜牛面颊肉都加咗XO酱同埋用炖嘅方法。」


讲到跟演奏家牛牛合作，Michelle笑指看着对方成长，「佢10岁同我哋慈善晚宴合作就识佢，到佢14岁我哋喺英国搞活动佢都有出席，𠵱家佢廿四岁，睇住佢成长好有满足感，佢好谦虚同好学，系个好好学习嘅对象。佢到时仲会演奏首次作嘅曲《希望》，首歌同我哋今年大会主题『希望与和谐』好贴切，疫情下大家更加需要，喺困难中搵到希望。」