【Juicy叮】呻外佣晚上8时自动「落班」 港妈：放工仲要凑细路好攰

有妈妈在网上讨论区「亲子王国」发文抱怨，指家中外佣每晚8时之后自动「落班」，令她放工回家也要照顾小朋友很劳累。

网民透露，她家聘请的30多岁外佣早上7时半起床，照顾一个5岁小朋友，中间3个休息时间，无需去街市买餸，晚上准时8点收工，入房玩电话。港妈抱怨，「我同佢讲过好多次，晚上8点之后系stand by（待命）,不是完全收工，佢都无改善，我可以点？我放工返屋企仲要自己照顾小朋友到10点，好累。」

港妈说，「不过佢自己洗完碗8点已经入房搽cream,...我有畀嘢佢做，但佢次次都赶住收工咁，我都无瘾，佢心已经收咗工了，赶入房玩电话，而家又难请工人，无奈。」

有网民也类似经历，「我之前有个晚晚7点35分准时收工入房。吃完晚饭的碗碟放在餐桌第二朝才收。我三个月内炒了她」。有网民建议，「每日安排啲野俾佢8点做到10点，搵野俾佢洗，执，抹，凑女，到10点你地冇其他吩咐至准冲凉入房休息，不设入房stand by时间，建议趁早同佢讲唔好再拖，佢当自己系老细咩？规矩应该由你定，唔系畀佢自己定」

不过有网民认为要沟通清楚，「佢有无正式同你讲只做到8点？佢入左房唔代表佢收工，有咩直接叫佢出黎做，如果要佢帮手凑小朋友就直接叫佢处理，但父母陪伴小朋友呢样无得代工喎! 但如若佢已经做哂其他家务又无其他吩咐佢入房standby 都好正常! 有咩叫佢出嚟」、「咁8点前做晒所有嘢未？煮好饭？洗晒碗？拖晒地？晾熨晒啲衫？抹晒厕所厨房未？如果样样做妥，唔通要佢栋系厅到？」

有网民劝告要改变心态，「佢晚上做完晒野先入房，你唔怪得佢。之后若有事要佢做，你就拍门叫佢出嚟，吩咐佢做，你唔洗理佢点做，佢做得快赶收工咁系无问题。你要改变自己心态，唔洗因为咁就无引而唔叫佢做，宁愿自己做」

有网民怀疑刻意想被炒，「咁嘅工人坚系离奇，系咪又系最新搏炒招数？好难忍佢喎...我同事好悭，自己都少开冷气，当然唔太想工人自己一个在家开，而家工人姐姐玩搏炒啦，我同事同我讲佢好后悔，早知俾个工人开冷气，而家问衬中介，都话要7千人工先有得倾」