张頴康宣布麦雅致怀第3胎 囝囝第一次做哥哥「无眼睇」

张頴康与麦雅致结婚9年，育有大女小豆和次子小花生，昨夜他在社交网宣布太太怀有第3胎，留言：「『终于都讲得喇』，我老婆成日都话，睇住小豆小花生BB嗰阵嘅相，就好挂住佢哋BB嘅时候！虽然照顾佢哋系好辛苦，但系每日见住佢哋又觉得好满足！其实，我都有同一种感觉！既然时间唔可以返转头，咁就从新再经历多一次啦！老婆，嚟紧嘅日子辛苦你喇！其他粗重嘢等我嚟做啦！我爱你❤️」 。
贴上麦雅致拿著超声波照、「一家五口」合照的张頴康补充说：「小豆再做家姐，好似好有经验，所以比较冷静！而小花生对于自己第一次做哥哥，就表示...『我无眼睇』」！照片中的小花生果然遗传了演艺细胞，除了一齐擘大口开心惊喜表情外，小花生另一张紧闭双眼，再一张索性用手掌遮眼，完全「无眼睇」！