【亚视一姐】重返拍剧样貌行头升晒呢 麦明诗频换私伙名牌袋做道具
2021-05-21 17:24 
29岁的「十优港姐」麦明诗（Louisa）喺TVB期间唔算受重用，2019年11月时无瘾地淡出娱乐圈，与无綫改签「一年一骚」嘅绿叶合约，全职做商业顾问，喺台湾逗留咗一段时间。直至淡出TVB后，播出她最后剧作《杀手》，剧中她饰演阎武（黎耀祥饰）视障女儿阎素之，喺祥仔带领下演喊爆场面感动到观众，就连亚洲心动娱乐（AMM）开拍网剧《逐流时代》，该剧监制兼导演戚其义钦点搵她做「女一」，觉得剧中向上爬嘅「心机女」角色非她莫属，最后由亚洲心动娱乐副总裁林文龙向TVB借将撮成好事。
不过，今次麦明诗重返拍剧变身「亚视一姐」除咗身份唔同晒外，行头及外貎都有明显进化。向来锺情名牌嘅麦明诗连拍剧都要出动私伙名牌袋，之前手挽Hermes嘅 Mini Kelly bag开工，而呢个金扣舵鸟皮来头不少，炒价要20万港元，即使系专属会员肯配货都未必买得到。直至日前她再喺IG出post再豪晒靓袋，留言：「A different me(与众不同的我)」原来已换上了另一个 Kelly bag「道具袋」，呢个「特别绿」加埋金扣舵鸟皮组合真系不得了，身价更劲，炒价要28万，要想拥有，更加难上加难。Louisa喺IG出靓相post后，识睇嘅网民梗系睇重点，焦点落喺个贵价袋度，留言：「个重点系个手袋$1480000，点解十优咁多年都系睇唔到同其他女性嘅分别嘅...」「手袋好抢眼」、「人和袋都靓」、「鸵鸟皮不得了」当然唔少网民大赞她今次重返比以前索咗好多，个样唔同晒，而且同传过整容嘅谢安琪(Kay)撞样，又话佢多咗唔少成熟韵味，骚在骨子里...
最新回应