【驳长啲跑？】隔离期间获赠两部跑步机　麦明诗叫吴业坤当举重托番屋企

早前在日本Working Holiday（工作假期）5个月的吴业坤（坤哥）终于回港，目前接受21日酒店隔离中的他，日日于社交网分享隔离生活，除了开Live同网民倾偈，又得闲弹吓结他、录吓音、晒吓三餐；正努力减肥的坤哥日前还自爆，获楼下「隔离院友」送上30粒其至爱的烧卖，搞到他食到牙骹软晒兼要跑番一个钟消脂！继周一获神秘人把跑步机送到酒店给坤哥后，将于周日（18日）31岁生日的他，来到今天隔离第14日，又收到一部跑步机作生日礼物，原来今次送礼的有心人是「十优港姐」麦明诗（Louisa）。

坤哥刚才于社交网晒出两部跑步机的合照，他写道：「多谢麦明诗Louisa Mak份生日礼物，令到我最后一个礼拜，既隔离更充实，而家有两部系（喺）手，可能呢个会系今年最好既（嘅）礼物因为暂时得佢送。（我谂酒店啲人真系当我痴（黐）线，唔够一日又多一部仲要更加重）。」一众网民纷纷搞笑建议坤哥：「左右脚分开跑」、「单双日子间住用」、「一部朝早用，一部下昼用」，更有人问：「系咪可以驳长啲跑远啲？」、「到底世人认为你有几需要跑步先会喺隔离期间收到两部跑步机呢？」而坤哥就向网民呻走嗰日都唔知点拎走，Louisa回覆：「等睇你开live表演跑住步唱歌（搬走嗰时当weight training罗）。」忽然收两部跑步机，睇嚟大家都觉得坤哥好需要减肥嘞！