《自肥企画》致敬Backstreet Boys 阿Dee神还原AJ兰花手笑死肥仔
2021-05-14 17:30 
《ERROR自肥企画》超好笑，寻晚嗰集ERROR更全集扮外国人讲英文，诉说对香港的感情，连探灵都讲英文，可唔可以唔好咁黐线。片末ERROR更大唱Backstreet Boys经典歌《I Want It That Way》，唔只唱仲要全Copy 真身MV，背景、舞蹈都抄到足，何启华（阿Dee）「神还原」AJ的兰花手获网友激赞，连肥仔喺拍摄时都忍唔住笑。
阿Dee在IG Story表示堂哥及哥哥是BSB歌迷，所以佢自细就被迫扮AJ，皆因冇人想做佢，「想不到命运的捉弄下，长大后也要扮AJ！」而梁业（肥仔）亦上载阿Dee及保锜录音的片段，阿Dee录音时已疯狂兰花手，但不断走音，反观保锜唱功不俗，肥仔留言说：「 喺度送上Error 2子录音片段，得2段系因为3哥早一日录咗，而我呢就无人帮我拍。dee哥AJ上身做得好好；保锜开头唱得几好，后面就......」明示冇人帮佢拍片好惨咁话。
寻晚节目播出后，真《I Want It That Way》MV被疯狂洗版，有网友将真身同ERROR版MV夹埋对比，可见后者爆笑还原，多谢无制限 OT 编集団。
關鍵字
最新回应