【独家】做童星曾被同学欺凌　陈颖妮唔怕丑以张曼玉为目标

周柏豪师妹陈颖妮（Winnie）由模界转型KOL，同师姐黎纪君拍片吹水、演吓小剧场，以为Winnie新入行原来她7岁已为《亚洲电视儿童台》担任小主持，长大后又拍过电影和剧集，她表示对演戏感兴趣，并以影后张曼玉为目标，最想跟刘青云合演浪漫喜剧。撰文：黎宝伦　摄影：谭壹致　场地：Sugar Please Studio

担任小主持的4年间，陈颖妮冇因此成为学校风头趸，反而失去课馀跟同学仔玩的时间，令她惨成校园「边缘人」并遭欺凌，「嗰时逢周六、日拍嘢，冇乜跟同学相处，所以好多同学都唔锺意我，佢哋会话我：『系咪觉得自己好靓？』最严重一次系喺学校门口写我名同粗口，好似欠债咁，有段时间唔开心到唔想返学，又冇朋友，觉得人生好灰。」不过长大后，她觉得一切都是成长经历，做小主持也令她获益不浅。

想同刘青云演情侣
离开亚视后，Winnie曾夥梁家辉拍电影《绝种铁金刚》，后于无綫剧《足秤老婆八両夫》扮演年轻版郭蔼明等，早前就加盟种星堂娱乐公司。Winnie坦言最想跟刘青云合作，「青云个样好正经，但有喜剧细胞，我本身好锺意佢， 希望喺戏中同佢搞笑完再一齐。」盼有机会拍喜剧的Winnie亦不怕丑化成「程大嫂」或「火鸡姐」，并视张曼玉为目标，「希望好似佢咁，尽力将每个角色呈现畀大家。（同偶像一样有独特的歌喉？）只可以话我唱歌唔系特别有天份，但畀心机系有得学嘅，暂时我都唔想分身去其他项目。」