踩入影坛同老公客串《遗爱》　锺舒祺献声主题曲尽显柔情一面

歌手锺舒祺（Sukie）近日踩入影坛，为冯智恒执导的电影《遗爱》客串外，更献声电影主题曲《Dream All Dreams》。日前拍摄《Dream All Dreams》MV时，外表野性刚烈的Sukie又感性剖白内心对亲情的重视，尽显柔情一面，她说：「我喺屋企嘅角色系长期讲笑，令到屋企嘅氛围好轻松，希望父母会感受到我点样投入屋企。屋企人从来都系最紧要，虽然自己唔系好识表达心入面嘅爱，唔系一个随便讲得出『我爱你』、『我挂住你』嘅人，不过我学习紧以行动去表达自己，会成日迫自己去做呢啲肉麻嘢，有时讲完『我爱你』自己都会打冷震。其实日日都系母亲节，最紧要日日都一样咁锡妈咪！」

谈到此曲由刘以达作曲及编曲，并由三夺香港电影金像奖最佳原创电影歌曲的陈心遥填词，录音前，Sukie亦特别了解电影中角色的动人故事，她表示：「我相信每个年轻人都会有自己梦想，尤其每个女仔都会期盼未来，去追寻幸福，不过现实环境可能令佢哋被迫放弃，好似电影入面陈汉娜同陶禧玲两个角色咁，本性善良仲爱旁人多过爱自己，好彩电影入面有郑中基呢个大哥哥守护住佢哋！而我喺现实生活中，就多得我老公一直喺身边不离不弃，今次更加孖住客串呢部电影，完全系形影不离！」