星岛日报

隔离后被召返公司照肺 吴业坤跟193合作唔觉有矛盾

2021-05-05 11:51
坤哥晒与193合照冇有怕,仲话公司好大方。
坤哥晒与193合照冇有怕,仲话公司好大方。

吴业坤早前于日本完成工作假期回港,事隔半年再次亮相TVB节目《劲歌金曲》。坤哥说:「其实隔离完都有返嚟见高层,照吓肺,问吓做乜咁耐唔返嚟。都好好,因为我行咗东海道,话畀两集我介绍吓个地方。(咁锡你?)系呀,好好彩,成日都话走咗无人理你,好彩都返到嚟,大家仲记得我。」

坤哥日前跟193合照,正值电视大战,193又言行出位,可有被公司训话?他说:「公司好大方,两年前(演唱会)有邀请MIRROR做嘉宾,乐小姐(乐易玲)都有嚟睇,大家都好开心,唔觉得会有呢啲矛盾出现。大家有言论自由,大家系朋友。想玩一啲想玩嘅嘢。点解会一齐出现呢,因为我飞之前有讲过一齐做Cover,开剧前有时间,就见过面倾吓,无乜特别。」问到公司反对合作可会取消?他说:「如果有适当理由,如果广告品牌上撞咗,如果合约上有问题,当然唔会做啦!但依家讲紧网上嘅合作,因为都同好多唔同歌手合作,所以都无考虑太多唔同因数。」

坤哥提到回港后节奏上不太习惯,笑言于日本做废青会避开繁忙时间。问到可有认识到日本女朋友?他说:「识到啲朋友嘅,男女都有,扩阔咗生活圈子,之后通关又可以再见下面,增进友谊。」问到可有对象?他自言想法开明,不排除任何可能性,笑指香港人对他十分熟悉,要由零开始到发展,可能需要不认识他的女仔。他说:「我去到日本都唔会介绍自己系歌手,介绍系KOL。」

坤哥晒与193合照冇有怕,仲话公司好大方。
坤哥晒与193合照冇有怕,仲话公司好大方。
坤哥谓在日本扩阔咗生活圈子,之后通关又可以再见面。
坤哥谓在日本扩阔咗生活圈子,之后通关又可以再见面。

最新回应

關鍵字

相關新聞

热门文章