喂紧人奶暂不接种疫苗　倪晨曦上围升Cup呻唔惯

倪晨曦（Elva）今日到尖沙咀出席品牌活动，近日接下不少Job的她收入进账不小，问可觉5个月大的囝囝Virgil好脚头？Elva开心表示：「都系，但我冇谂过呢个问题，只系本着有工作便感恩嘅心态。（可有工作要求母子合作？）暂时冇，就算有都要睇工作类型，我唔想小朋友太辛苦，因为BB唔会听人指挥，拍广告嘅话就要跟商户要求控制佢做某啲嘢，我唔想迫小朋友做一啲指定动作。」

提到下月便度过升呢人母后首个母亲节，Elva笑称：「可能自己做一张母亲节卡，再打下BB嘅手指模，话系BB送畀我嘅母亲节礼物，再屈BB同我食饭，哈哈！」去年9月跟圈外男友吴嘉钊签纸结婚的Elva，续指今年多了一位妈妈就是奶奶，应该会跟家人吃饭庆祝，而自己的妈妈身在外国，故会请妹妹代送花给妈妈作礼物。

问到可有打算接种疫苗？Elva说：「我仲喂紧人奶，所以暂时唔会接种，等囝囝半歳后再算。」由于喂人奶令上围升了一Cup，她直言很不习惯，很想尽快回复过往的身形，那么老公是否喜欢她升Cup后的身形？Elva尴尬道：「佢冇评论呢件事。」