喊住多谢老婆余思敏 郑中基谂过断电用大声公清唱

郑中基举行一连三场《郑中基Drive In Ultra：WEE are Ronald Cheng》演唱会，昨晚进行尾场。虽然未开骚经已下雨，但不减观众睇骚的热情。大会派发雨衣，又呼吁观众切勿使用雨伞遮挡后排视野。方皓玟、狄易达、蔡一智、庄思敏、田启文（田鸡）、锺舒漫、LMF成员阿杰等都有入场支持。

郑中基在台上表示，有人问过他有否担心下雨，当时他回答会派雨衣，但对方又问狂风暴雨点算。他无奈指：「呢啲唔系关心呀！系黑心！」随即唱出歌曲《晴天阴天雨天》，又表示这首歌集合了三晚的天气。其后郑中基在点唱环节唱出生日歌，庆祝点歌观众的胞姐生日。他亦相当识做，唱出《三生有幸》送给到场支持的老婆余思敏。

郑中基又说：「疫情下唔知可以做咩，但知大家钟意睇我搞笑。拍剧之外，我仲开咗个YouTube channel，每个星期都有片，大家唔开心嘅时候可以睇吓。」接近尾声时，现场播放郑中基预先录制的答谢词，之后他多谢观众：「咁大风大雨，仲停电几次，你哋都唔走，多谢你哋！」之后不禁感动落泪，先多谢公司两位同事，又感谢老婆支持他去做想做的事。

完骚后接受访问时，郑中基坦言：「冇谂过突然断电，但好多谢所有工作人员好快处理问题。我仲问有冇大声公，如果真系搞唔掂就用大声公清唱！」一晚经历两次断电，会否吓怕开户外骚？他表示不会：「演唱会有机会开Part 2，下次有充足时间相信会更好。」

谈到送赠门票给予慈善团体，让基层家庭入场欣赏，他指是受近期新闻启发：「睇到太多有关弱势同基层嘅新闻，可能未曾睇过演唱会，第一次搞户外骚希望有更多人睇到。开心就好啦！都系希望大家开心，大家太耐未开心过，做到几多就几多。」工作人员在旁补充，门票有8间机构受惠，3场合共送出1500张门票。郑中基又笑言一对子女同老婆睇足三场，但因为落雨湿透，加上仔女翌日要上学，所以叫他们快回家换衫。