爆黄树棠早已离婚 儿子黄荣璋：你哋对我好好唔需要内疚
2021-04-20 16:17 
资深艺人「求叔」黄树棠（棠哥）本月因肺癌病逝，享年77岁，并将于下月5日假世界殡仪馆设灵，当晚8至9点安排公祭，让大家送棠哥最后一程。其任职配音的儿子黄荣璋（章鱼）今日凌晨在社交网撰文，透过一字一泪抒发挂念亡父亡母及亲恩之情，他写道：「唔知点解对眼好似闩唔到个水喉，我好似一路记番起晒以前好开心嘅记忆，佢哋由细开始就好锡我，阿妈唯一一次揸住衣架想打我，追追吓都会变成一齐大笑，好开心咁冇咗件事，阿爸系一个武功高强嘅人，佢实打过我？对唔住，系无！佢两个锡到我燶……而家两个都唔喺度喇！妈妈嘅事好不容易先可以放下……佢哋不约而同地喺走前都有提及离婚嘅事，对我嘅影响系最大，有点点对我抱歉……」
早年，棠哥与胡桂兰结婚并诞下儿子章鱼，2005年胡桂兰因癌病离世，棠哥一直没提及离婚消息，直至他离世后，章鱼才首次谈及父母早已离婚，令他有一个不一样的童年，不过跟父亲感情深厚的章鱼留言，安慰父母不需内疚，他续道：「我而家想同你哋讲，你哋对我好好唔需要内疚，我一样都系幸福的！你哋两个都系我最重要嘅人！教识我好多做人嘅道理。近呢十几年我都同我爸相依为命，似两兄弟多过父子，你冇钱有我顶住，我冇钱有你顶住，出生入死，虽然拗撬一定有，但系父子冇隔夜仇。」章鱼又引用父亲近年每日都会讲的一句「简简单单又一餐」，表示永远都会铭记于心，认为人唔需要贪心，要知足。最后，他说：「我好挂住你呀！爸爸！」
最新回应