林珊珊邀请体验一日农夫生活 伊健耕开田冇难度吁城市人郁多啲

郑伊健与经理人林珊珊及她的女儿西瓜 (李澄) 、野人 (李怡) 一得闲就会约埋一齐玩，所以当珊珊的网上频道《大家好 ALL IS WELL》与浸会大学学生合作拍片体验做一日农夫时，即刻谂起可以邀请郑伊健带埋西瓜及野人一齐体验农夫生活，初次下田的珊珊更一试就爱上，计画之后租田地更深入体验乡郊生活。

平日热爱运动的伊健早有准备，知道要到农场体验就带备新款有型的太阳帽来拍摄，之前已有多次种田体验的他说：「我之前都试过好多次同住新界嘅朋友一齐落田耕种，但珊珊佢哋应该就系第一次，所以每样嘢佢哋都会觉得好新奇，有时会问一啲意想唔到嘅问题，初时会奇怪佢哋点解会咁问，但可能第一次真系好多嘢唔知，或者观众都唔一定知，今次嚟到呢度体验农夫生活令我哋认识多咗农场嘅嘢。」

伊健仲提醒香港人要多郁动，「大家城市人，为咗令自己身体健康，间中去郊外郁动吓拎下锄头，总好过成日坐喺度。耕种严格来讲都系一种运动，不过系最轻松嘅运动，我觉得一啲都唔辛苦，有时间系应该多啲到郊外参与耕种。食物对香港人嚟讲好重要，但太少人参与种植，所以应该支持呢个落田概念。」

珊珊虽然首次落田，但自言已经爱上，她説：「一直好期待，其实我一直都好想试，所以由开会听到话要做一日农夫，已经好开心好兴奋，到现场劳动咗一日，就更加想租一块田来耕种，刚才问过呢度啲朋友话真系可以租，公司同事都好支持我，希望可以好快实现。」身旁的西瓜也插咀説：「其实我嚟之前好担心，唔知应唔应付到，因为自己平时有啲娇生惯养又怕虫又怕湿，估唔到虽然唔熟手，又鸡手鸭脚，又跌嘢又差啲将个锄头锄到人，但非常之咁 enjoy，不过最开心都系之后食新鲜蔬菜嗰阵，入口嫩滑新鲜，加埋新鲜天然嘅配料，就明白我哋平日食嘅嘢有几人工化。」而身为瑜伽导师的野人也很享受今次的体验，她说：「今日只系畀自己60分，如果冇时间嘅限制，应该可以做得更好！」