【独家】相隔8年主持《日日妈妈声》罗敏庄为王祖蓝重返娘家

2021-04-15 20:30

罗敏庄（Mimi）虽然受疫情影响，登台工作完全停顿，幸好接连有新工作，先有本月16日（周五）再重演的《我们的音乐剧Reimagined》，以及相隔8年再返娘家TVB主持《日日妈妈声》。热爱演音乐剧的Mimi坦承参与《我们》高水平的制作是她的荣幸；而她主持《日日》好大原因是王祖蓝邀请，当然拍档是余安安及陈凯琳，以及题材新颖也很重要。撰文：杜淑霞摄影：谭壹致发型：Taylor Wan(Hair Corner) 场地：The AIR(The ONE)

Mimi在疫情下登台工作全面停顿，「我哋除夕喺契妈黑妺姐屋企食饭，喺度倒数，但系以往我哋呢啲嘢唔会喺屋企做，一定喺个台度做，点解我哋喺屋企做嘅，仲要连续两年啦！我哋表演人士靠呢啲收入来源系好惨㗎！」不过好彩她仍有电台、电视及音乐剧等工作支持。

讲到《我们的音乐剧Reimagined》相隔不足半年便能重演，Mimi相当兴奋，「机会好难得，除咗咁多好歌之外，我哋仲要夹小交响乐团，咁劲嘅制作喺香港系少有。能够做到系你嘅光荣嚟，我上次做完见到好多师姐师妺都话你就好啦！刘雅丽都咁话『好羡慕你呀！』」她直言赚到的不止是薪酬，「上年我有啲歌做唔到音乐总监（高世章）要求，佢提议不如再去学过，我系持续半年都有学唱歌。有啲歌要用高啲音域，我以为做唔到，学咗原来可以做到，今次唔单止系赚到实际薪酬，我系赚到经验同埋原来我唱到呢啲嘢㗎喎！」

至于重返娘家拍《日日妈妈声》，Mimi承认王祖蓝相邀是很大原因，「一定系因为祖蓝啦！佢话有个咁嘅节目，觉得好啱我做，佢话有安安姐同埋Grace（陈凯琳），佢想要一个妈妈，有咁嘅经验，主持方面一齐做到嘢，好想我系其中一个，我听完成件事系靓嘅，一嚟有两个咁靓嘅妈妈喺度，二嚟个题材系有趣，专讲妈妈为妈妈发声，喺TVB都未听过呢类节目。」