星岛日报

【独家】拍拖年半翟威廉肯用避孕套 麦贝夷被食完唱喊爆拒认「炮友」

2021-04-14 22:20
一讲即喊

被「贱男」旧爱「食」完唱又被网民闹自作多情,麦贝夷忍唔住爆喊。
一讲即喊 被「贱男」旧爱「食」完唱又被网民闹自作多情,麦贝夷忍唔住爆喊。

35岁麦贝夷(Karene)被「贱男」旧爱视为「炮友」伴侣,矛头直指翟威廉。Karene跟男方拍拖年几,男方唔认爱兼唱通街『其实一直系被佢(女方)缠扰住…』,被「炮友」的麦贝夷hurt到终日丧喊要睇精神科医生,及在社交网站发文割席,换嚟唔知内情嘅网民用粗口大骂Karene自作多情,麦贝夷接受本报访问时情绪失控爆喊:「拍拖时佢好take care我,会照顾我感受,肯接受我要求戴避孕套㗎,我哋唔系炮友关系。」采访:方骞平

一讲即喊

被「贱男」旧爱「食」完唱又被网民闹自作多情,麦贝夷忍唔住爆喊。
一讲即喊 被「贱男」旧爱「食」完唱又被网民闹自作多情,麦贝夷忍唔住爆喊。
烦到威廉

对于呢件事烦到翟威廉,她竟然话:「唔好意思,我唔想见到认识嘅人烦!」
烦到威廉 对于呢件事烦到翟威廉,她竟然话:「唔好意思,我唔想见到认识嘅人烦!」

受情伤兼遭连翻打击,麦贝夷伤心到要睇精神科医生,靠药物嚟稳定情绪。虽然Karene坚持唔开名亦不肯提供合照,但记者提到翟威廉名字她并冇否认,Karene接受访问只为帮自己攞返个公道,她提到跟前度的相处模式,坦言两人分过一次手之后翻挞,断断续续拍拖年半:「我哋系拍拖,唔系炮友关系,佢会同我食饭、睇戏,大家系有互动嘅,而我认知嘅『炮友』,只系得牀上运动,完事就冇下文。即使冇特定时间,但我好整洁,我会去佢屋企帮佢执拾,大概7至10日上去一次。(佢会唔会成日要求你留低陪佢?) 咁次数唔算好密,因为我都有工作,唔系次次留低过夜,偶然有机会,可能情到浓时咪发生罗!」

旧爱贱男

之前麦贝夷喺IG限时动态爆男友出轨行为,誓言要割席,矛头直指翟威廉。
旧爱贱男 之前麦贝夷喺IG限时动态爆男友出轨行为,誓言要割席,矛头直指翟威廉。
隐藏女友

麦贝夷以前会跟翟威廉约会,又会一大班人一齐玩,虽然两人传过绯闻,但遭男方否认。
隐藏女友 麦贝夷以前会跟翟威廉约会,又会一大班人一齐玩,虽然两人传过绯闻,但遭男方否认。

承认自己好猪
Karene强调唔似一般女友咁黐身,她坚持各有空间:「我都35岁要专注事业,我好简单开心就得,佢攰时我会同佢按摩,作为女友,佢做事我会支持佢。佢知我有过抑郁症,都会几take care我,我哋相处得几开心,所以听到唔止一个人同我讲返,话佢周围唱我缠扰佢,我真系好奇怪!原来咁叫缠扰。」除被前度唱缠住晒之外,Karene更发现对方有好多女,「我真系接受唔到,我真系好猪,呢件事对我好唔公平…」语毕,她忍不住爆喊,眼泪大滴大滴流下来:「我谂我运气唔系好好,就算我几努力都冇乜结果,其实我做错啲咩啫?当日我公开个post,只不过为自己辩解,点解要畀网民插?不过,人哋伤害我,我唔会伤害返人,我唔想影响到佢事业,当我double猪好唔好!」

唔怕感染性病
对于陈庭欣为旧「兵仔」翟威廉讲好话,指他一向形象正面,不过身边就有好多女!对此,麦贝夷有口难言:「系呀…讲得咁怪嘅?ok罗!翟威廉有佢私生活,每个人有佢选择,其他人唔锺意可以点?我本身都咁猪啦,何德何能去评论人?我只可以写自己嘅故事。」既然前度咁滥交,问她怕唔怕被传染性病?她即笑返:「我本身好安全,有安全措施呀!(你要求嘅?)梗系!女仔要保护自己。虽然我猪啫,但都有安全意识,我同佢讲:『可唔可以(戴安全套)?』咁佢都愿意配合去做…好彩咋,所以都安心!」

有啲料到

麦贝夷虽然唔系靓女但身材唔差,绝对有吸引力。
有啲料到 麦贝夷虽然唔系靓女但身材唔差,绝对有吸引力。
生日赠兴

麦贝夷送割席宣言畀「贱男」旧爱生日赠庆,咁啱当日系翟威廉的36岁生日。
生日赠兴 麦贝夷送割席宣言畀「贱男」旧爱生日赠庆,咁啱当日系翟威廉的36岁生日。
公私蜜友

爱唱歌嘅麦贝夷系翟威廉Happy live常客,在公在私都好「友好」。
公私蜜友 爱唱歌嘅麦贝夷系翟威廉Happy live常客,在公在私都好「友好」。
做负心汉

翟威廉喺剧集《那些我爱过的人》中饰演黄翠如嘅负心汉,仲话男人不坏,女人不要!被指做呢啲角色,投入到入晒血。
做负心汉 翟威廉喺剧集《那些我爱过的人》中饰演黄翠如嘅负心汉,仲话男人不坏,女人不要!被指做呢啲角色,投入到入晒血。
获红颜撑

陈庭欣与翟威廉传足十年绯闻,女方力撑翟威廉形象正面。
获红颜撑 陈庭欣与翟威廉传足十年绯闻,女方力撑翟威廉形象正面。
借场庆生

麦贝夷35岁生日当天,翟威廉借酒铺畀佢开Party庆祝,闹爆张致恒借钱唔还嘅𡃁模冯镓潆(Naomi)都系席上客,她仲铁证翟威廉喺现场,只系冇影合照。
借场庆生 麦贝夷35岁生日当天,翟威廉借酒铺畀佢开Party庆祝,闹爆张致恒借钱唔还嘅𡃁模冯镓潆(Naomi)都系席上客,她仲铁证翟威廉喺现场,只系冇影合照。
裕美风波

裕美被扯入事件中,麦贝夷解释从来冇提过对方名字,只系有传媒误会咗。
裕美风波 裕美被扯入事件中,麦贝夷解释从来冇提过对方名字,只系有传媒误会咗。
喜欢唱歌

麦贝夷好喜欢唱歌,本月仲会有live tour,她暂时做教育工作,无意自资出歌。
喜欢唱歌 麦贝夷好喜欢唱歌,本月仲会有live tour,她暂时做教育工作,无意自资出歌。

最新回应

關鍵字

相關新聞

热门文章