【劲贪靓】十四岁变身美少女搽鸳鸯指甲 李嫣水手服孖辫Look晒青春
2021-04-08 07:00 
王菲早前和囡囡李嫣庆祝14岁生日，母女二人揽著合照，非常温馨。李嫣跟时下年轻人一样，不时都会喺社交网分享生活点滴，但早前一张肩上纹身相就惹嚟负评，狠批她未成年就纹身，最后要无奈地澄清只系纹身贴纸。
李嫣爸爸李亚鹏最近卷入欠债4000万风波，但似乎未有影响李嫣嘅心情，她近日就和一班好友举行制服派对，并喺网上分享照片，只见李嫣扎起孖辫穿上水手短裙，露出一截纤腰，两只手搽咗唔同颜色嘅指甲油，好似天后妈妈咁相当贪靓，不过青春可人，好有少女味。患有先天性唇腭裂（兔唇）嘅李嫣3个月大时，已接受第一次矫正手术，经过几次手术后𠵱家变身美少女，愈大愈靓女，真系女大十八变呢！
關鍵字
最新回应