【独家】唔介意keep住合作 刘俊谦想同蔡思韵演母子
2021-04-07 23:13 
刘俊谦在疫情下虽然戏剧工作减少，但仍得到客顾支持，广告和宣传短片拍不停，他认为可能较有新鲜感，演出又冇乜框框，而得到客顾支持。对于将跟女友蔡思韵合作剧集《二月廿九》续集，他坦言好期待，更加唔介意keep住跟女友合作，更直言两人可挑战母子角色；而他对角色接受能力很高，不排除有裸露演出，但首先要视乎剧本。撰文：杜淑霞 摄影：张咏森 发型：Lupuschui@orient4化妆：CarmenC 服装：WANDERS@Fashion Walk 场地：日本清酒藏所@Fashion Walk
对于获广告客户垂青，刘俊谦认为胜在够多元化，「之前我喺舞台剧做咗一段时间，但我喺影视圈相对系新，好多客户同观众对我都唔系咁熟识，新鲜感固然提供到，同埋我相对上包袱比较细，冇要keep某种形象，会因应好多唔同客户同导演需要，我可以放低好多形象去配合佢哋嘅形象，呢个不嬲都系自己好想做到多元化嘅演员。」
去年刘俊谦得到不少奖项，未来目标他最想有机会挑战喜剧，以及跟韩国导演李沧东合作，「第一系喜剧，我拍啲影视作品相对上畀观众感觉好严肃，好沉重嘅角色，好攰㗎！我都想试吓啲喜剧或者轻松啲疯狂啲嘅角色。我本身好锺意韩国导演李沧东，佢嗰啲戏我全部都想做，我会觉得嗰种系好终极嘅尝试，因为佢唔系嗰啲大众好惯睇嘅电影，唔系追看性好强嘅电影，但佢对人嘅质感描绘好强。」
刘俊谦即将在ViuTV剧《二月廿九》续集中再跟女友蔡思韵合作，他坦言不介意继续跟女友合作，更提议两人可挑战敌对或者母子角色，「如果做到但系观众觉得好睇系好癫，母子而观众信喎！女友有套外国电影《堕落花》好锺意，佢成日话好想做啲好型格嘅角色，如果佢做啲好似《攻壳机动队》女主角嗰啲角色，我可以做隔离啲军佬，操到200几磅嗰啲。」他又强调不介绍尝试任何角色或造型，就算演类型《色戒》的裸露戏亦可考虑，「李安系一个好大嘅诱惑嚟，我要点样决定真系要睇个剧本啦！（经理人：可能导演见到佢身材就算啦！）你身材不好！哈哈！我系睇成件事，就算系个新导演，个剧本好好，而嗰场戏一定要裸露先呈现到，我觉得合理会再同屋企人同经理人倾，我系会故仔行先。」
最新回应