【维港会】港女嫌男友背心短裤凉鞋去食西餐失礼人 网民劝好心分手

好心分手？有网民在「香港讨论区」发文，大弹男友身穿背心、短裤、凉鞋去西餐厅见女方的朋友，认为男友失礼人，引发网民建议既然这麽看不过眼倒不如分手。

发文者称，最初认识男友时对方起码会稍作打扮，现在相处日子长了则慵懒好多，「成日油头油脸，个口有时又臭，返工头又唔梳，啲衫领又唔摺返好，岩岩巉巉咁， 喺屋企又死蛇烂鳝，成日唔著衫孖烟通周围走 」。

发文者又抱怨，最难接受是有次约男友与朋友食饭，一行人订了中档次西餐厅，「佢竟然著背心短裤凉鞋到场，吓到我鼻哥癃都无肉，迫佢出去买返叫外套笠一笠」，发文者不满「讲真个句，你要核突都算，唔好影衰我丫，作为男人连个外表都顾唔好，唔好同人讲有咩内涵！」

有网民认为穿著打扮都是其次，如果「有气质，有身型，著背心都可以好型」、「男人行出嚟，有型有款系只其次，男人要有嘅，最紧要系现款，有款冇现款，你话有乜用?」、「我每次喺马场会员区见到着背心短裤嘅嗰个都系马主」。

也有人认为男方确实不妥，「虽然你啲字眼有啲mean，不过我认同衣著打扮，言行举止都要睇场合，尊重自己，尊重身边嘅人，尊重个场合系好基本」

不少人则建议早日分手，「我记得你，你好似成日投诉你条仔。我都打扮好毒，但特登，因为想知佢点反应，最后佢飞咗我，恭喜我地」、「外表那么重要,分手吧」、「咁你咪分手罗,系到讲咁多废话把鬼呀,一个愿打一个愿捱仲有咩好讲」

帖文转载自《男友打扮好似毒X 带佢见人影衰我》