【維港會】港女嫌男友背心短褲涼鞋去食西餐失禮人 網民勸好心分手

2021-04-03 15:00
有網民不滿,男友去西餐廳只是身穿背心短褲示人,認為失禮朋友。示意圖片
有網民不滿,男友去西餐廳只是身穿背心短褲示人,認為失禮朋友。示意圖片

好心分手?有網民在「香港討論區」發文,大彈男友身穿背心、短褲、涼鞋去西餐廳見女方的朋友,認為男友失禮人,引發網民建議既然這麽看不過眼倒不如分手。

發文者稱,最初認識男友時對方起碼會稍作打扮,現在相處日子長了則慵懶好多,「成日油頭油臉,個口有時又臭,返工頭又唔梳,啲衫領又唔摺返好,岩岩巉巉咁, 喺屋企又死蛇爛鱔,成日唔著衫孖煙通周圍走 」。

發文者又抱怨,最難接受是有次約男友與朋友食飯,一行人訂了中檔次西餐廳,「佢竟然著背心短褲涼鞋到場,嚇到我鼻哥癃都無肉,迫佢出去買返叫外套笠一笠」,發文者不滿「講真個句,你要核突都算,唔好影衰我丫,作為男人連個外表都顧唔好,唔好同人講有咩內涵!」

有網民不滿,男友去西餐廳只是身穿背心短褲示人,認為失禮朋友。示意圖片
有網民不滿,男友去西餐廳只是身穿背心短褲示人,認為失禮朋友。示意圖片

有網民認為穿著打扮都是其次,如果「有氣質,有身型,著背心都可以好型」、「男人行出嚟,有型有款係只其次,男人要有嘅,最緊要係現款,有款冇現款,你話有乜用?」、「我每次喺馬場會員區見到着背心短褲嘅嗰個都係馬主」。

也有人認為男方確實不妥,「雖然你啲字眼有啲mean,不過我認同衣著打扮,言行舉止都要睇場合,尊重自己,尊重身邊嘅人,尊重個場合係好基本」

不少人則建議早日分手,「我記得你,你好似成日投訴你條仔。我都打扮好毒,但特登,因為想知佢點反應,最後佢飛咗我,恭喜我地」、「外表那麼重要,分手吧」、「咁你咪分手囉,係到講咁多廢話把鬼呀,一個願打一個願捱仲有咩好講」

帖文轉載自《男友打扮好似毒X 帶佢見人影衰我》

有網民認為如果不滿意男友打扮應該早日分手。示意圖片
有網民認為如果不滿意男友打扮應該早日分手。示意圖片

最新回應

熱門文章