【哥哥好吗】获哥哥赠磁性版《缠绵游戏》 梁汉文首次合作被吓窒

梁汉文曾在电影《金枝玉叶2》与哥哥拍过一场戏，哥哥反应令他一生难忘，今日他在社交网贴相分享当时嘅惊喜，留言:「96年因为客串《金枝玉叶2》一角而同哥哥有一埸对手戏，心情当然非常兴奋，之前一晚紧张到成晚捵(典)嚟捵去，瞓唔到觉。拍摄当日我准时09:00到达现场化妆，个脑不断幻想哥哥出现嘅时候会系点？自己要应该点样同呢位超级大偶像打招呼？又或者哥哥会唔会好cool咁坐低就算呢？心入面好多好多唔同嘅幻想...但系点都估唔嚟咗一个大惊喜。

哥哥竟然人未到声先到，我未见到佢真人，但已经听到一把好磁性嘅声线，哥哥从远处边行边对住我唱『缠绵游戏过后..为何能舍得放手，是事实并没有真爱....或跟本我未...看透(梁汉文歌)』. 我当时完全唔识反应，个咀(嘴)根本掩饰唔到心入边嘅笑容，我叫咗佢一声『哥哥』，佢拍一拍我膊头叫咗我一声『梁汉文』，佢跟住就坐喺我旁边化妆...这次是我和哥哥第一次亦系唯一一次见面！哥哥你最近好吗？」