逾300粉丝撑场变大合唱 Edan「打回圆形」演唱会唔骚肌
2021-03-31 18:30 
MIRROR成员Edan（吕爵安）今日到旺角出席奶茶活动，吸引超过300名爵屎（Edan粉丝称呼）到场，相当热闹！Edan即席清唱其Solo曲《E先生 连环不幸事件》，但最后演变成全场大合唱，足见一众爵屎的热情。他指Fans应是「饿」了很久，因MIRROR已很久没有公开活动：「又或者演唱会买唔到飞，嚟见吓真人，哈哈！」
演唱会门票一票难求，Edan表示自己只留票给家人和相熟朋友，不算一身「飞债」，但比较担心体力：「出道时开1场都成个人死咗，估计今次6场会好攰。之前得一半入座率唔够喉，现在加场又有75%入座率就开心啲罗！」姜涛指自己到时会表演乐器，Edan无惧对方挑机：「佢系惊喜定惊吓先？哈哈！我到时会自弹自唱《E先生》，已经好少边唱边反白眼，不过Fans又话我经常合埋眼，都要多练习表情管理。」
虽然Fans无缘在演唱会见到Edan除衫，不过他透露自己在港版《大叔的爱》有骚肌戏：「我一度练出腹肌㗎，不过已经『打回圆形』，所以开骚唔露嘞，留畀Stanley同Alton啦！若果他日再变返咁Fit，我唔介意表演除衫弹琴！」咁会否与合演《大叔的爱》的队友Anson Lo在台上咀嘴？Edan笑说：「我OK呀！咀嘴唔使练，但唔知花姐畀唔畀喎！」他又自爆二人在剧中加了激咀戏，「我益咗佢啦！阿妈都戥我蚀底呀！」
最新回应