【独家】处男执导电影《不日成婚》导演陈茂贤得卫诗雅相助圆梦

2021-03-26 20:00

将于下月上映、由卫诗雅和陈家乐主演的爱情喜剧《不日成婚》，由编剧出身的陈茂贤处男执导，最初当马经编辑的他，得王晶赏识亲自指导下边学边做编剧，由亚视收视极佳的《情陷夜中环》，到13年贺岁片冠军电影《百星酒店》都出自他手笔，不过他一直有个导演梦，今次终得到卫诗雅（Michelle）相助顺利圆梦。撰文：杜淑霞摄影：李维隆

陈茂贤小时候梦想做马评人，16、7岁跟恩师马评人马恩赐入行，后来加入王晶旗下的马经当编辑，得晶哥赏识亲自教他当编剧，但最初碰过不少钉，「好记得第一次写TVB内地合拍剧《天下第一》，当时觉得写咗几好剧本，以为掂啦！仲唔系明日之星！点知交返嚟得返时、景、同人名，其他嘢都删晒。」自此他认真学习，狂迷晶哥的手稿剧本，令他成为睇到明晶哥的字的其中一人。

入行廿年，近年主力写喜剧的陈茂贤，当中最难忘的作品，肯定是跟谷德昭导演合作电影《百星酒店》，「呢套戏云集咗全香港所有做喜剧演员，Ronald（郑中基）、（吴）君如、毛姐（毛舜筠），真系好难做到，连阿泽（杜汶泽）都一齐，客串有阿葛（葛民辉）、詹瑞文老师，佢哋亦都唔介意戏份多与少嚟玩，仲要飞嚟杭州，我觉得好神奇，亦都成绩OK。」

虽然做编剧好玩，但陈茂贤觉得做导演又是另一份满足感，「做编剧始终要同个导演合作同沟通，佢会加咗佢嘅睇法，我想由零开始所有嘢都系我自己嘅，我想试一次。」最初他本来想拍悬疑片做导演处男作，但去各大公司卖桥不成，反被建议拍最拿手喜剧，最终由认识很久的卫诗雅促成他当导演机会，「佢成日见到我都会话拍吓我啦！我话返去谂吓就摆埋咗一边，到部悬疑片各大公司唔接受，咁索性为Michelle度身订造个戏，畀咗第一稿佢睇，佢朝早6点打畀我，佢第一句同我讲『你黐线㗎！』晨早讲啲咁嘢真系想打佢㗎！佢话个剧本好好喎！睇完瞓唔到好兴奋，仲话拎番公司。」最终他再亲自跟老板杨受成卖桥成功，终圆了他的导演梦。